《Minecraft》新游戏《Minecraft Legends》推出了一个月左右，粉丝们进度如何呢？咁啱 Uniqlo 趁《Minecraft Legends》出街时，又 cross-over 推出一系列《Minecraft》UT，唔知着住嚟打新 game，又会唔会醒神啲！
玩开《Minecraft》嘅朋友都知，响呢个方块世界入面有无限可能，只要你有创意就可以打造出属於自己风格嘅元宇宙，所以游戏推出以嚟深受大人细路欢迎，可以话系一款长青嘅游戏；最近 Uniqlo 就推出咗一系列《Minecraft》UT，不过就只限小朋友款式，如果屋企嘅小朋友锺意玩《Minecraft》嘅话，就真系要买返件比佢哋着住嚟玩喇。
《Minecraft》系列 UT 总共有 6 款，净系见到心口嘅方块图案已经够抢眼，着住出街一定知道你系《Minecraft》趸；每件短袖 Minecraft UT 售价为 HK$79，另外仲有 4 款 Minecraft 短裤，售价为 HK$59。
讲开 Minecraft，属於主游戏嘅外传《Minecraft Legends》出咗无耐，唔知大家又有无玩呢？呢个游戏嘅故事大概系玩家要挺身而出，扞卫呢个被猪布林蹂躝变成癈土嘅主世界。《Minecraft Legends》属於动作类策略游戏嘅《Minecraft Legends》，当然继承《Minecraft》一贯玩法，除了要收集资源及创建元素外，更需要即时战斗，为呢个熟悉嘅方块世界带嚟一点新意，而且整体玩法亦有别一般即时战略游戏，相信无论系 Minecraft 粉丝，或者系即时战略游戏迷，都会锺意玩《Minecraft Legends》。
唔知小朋友着住成套 Minecraft UT 嚟玩《Minecraft Legends》又会唔会劲啲呢！不过，各位小朋友记住，打机唔可以沉迷，打一阵就要抖吓先得㗎。